bakh

Basta maka Laag

2009-08-18T09:26:00.009+08:00

Manghupong, nikatol, gapanikad nga till,

Aburido ang gaalburotong hunahuna,

Di na madrawing ang gakusmod nga daway sa panuway;

Pamalikas sa baba nga gabula-bula.

Alibai sa asawa, bana, uyab,

Ug ang ginikanan hastang daghana,

Puslan man aron maka laag lang;

Maski walay kwarta.

Nag pabuotan- buotan aron matagaan ug budget,

Mangutang, ipreda ang gamit,

Tanang pamaagi aron maka kwarta,

Nag kundinar ang kalag kung dili kuyog.

Mga barkada gahulat arong manglakaw na,

Sige na ug panawag ug text ,

Ikaw na lng ang gipaabot;

Mang laag na ta.

Pulaw

2008-11-05T09:53:00.006+08:00

Gitugnaw sa ka bugnaw,
Kamingaw kay walay lingaw,
Wa’y tulog kay gimingaw;
Huna huna nag lutaw.

Kalabad sa paminaw.
Hubag ang mata kay na pulaw.
Ulo nga nag parok parok
Nag lutaw na ang kalimotaw,

Nag shoting ug nag kilaw,
Naabtan na lang ug pamahaw.
Gigutom kay nangita bahaw
Kalami muhigop sa init nga sabaw.

Tapok-tapok

2008-10-29T14:01:00.008+08:00

Kasadya, kalingaw,

Katawa nga makamingaw,
Alingag-ngag makit-an;
Masobrahan muloto ang luha.

Bunyag, pista, bertdey,
Kasal, pasalamat, ug minatay,
Tanang matang sa kalipay;
Higala mo asdang ang panagway.

Tambayayong ta higala,
Sa kalipay, ug sa kasubo,
Panaghigala’ay atong lig-onon;
Tapok tapok ta.

Kaliba-nga

2008-10-29T10:43:00.002+08:00

Dagway nga luspad,
Mulakaw murag mulupad,
Sa anidoro nag babad;
Problemang di ma sulbad.

Di maagwanta,
Di makaya, panington ka,
Nanindog ang balahibo;
Sulti nila panuhot.

Ipit-ipit, gipanugnaw,
Di masabtan ang paminaw,
Matandog masuko;
Ga- init pirmi ang ulo.

Muhalang ang lubot,
Kay wala pa na hurot,
Tiyan nga nag burot;
Giagwanta ang ka humot

Pa-abot

2008-10-28T13:14:00.007+08:00

Aligot-got sa naglagot,
Ga-ngisi ang walay buot;
Wala ni abot ang gipaabot,
Nawad-an na ug panimuot.

Kalami sa sinuroy nga balut,
Wala man untay ikaamot,
Ningsamot kay nag kinamot,
Batasan nga gikumot kumot.

Galokot lokot sa kalagot,
Kasing-kasing ko daw gikomot;
Pagkapait ning na sinating kalagot
Napungot ang utok nga kulot.

Kapoi ug paabot.

Hupo-hupo (Agdao)

2008-10-23T17:00:00.010+08:00

Sinugba, kilawin, kinilaw,
Halang-halang, sinampalokan,
Bulalo,balbacua, papait;
Tuba, beer, gin, hard.

Pulutan dili sud-an,
Istorya ray gadaghan
Halok halok sa baso,
Diria sa hupo hupo,

Tigluto wa nagpakabana,
Tag iya gipanalipdan,
Kahugaw gipasagda-an.
Barato na, hugaw pa.

Maoi gitawag nga…
Mura na, marumi pa…
Dali na…
Tambay ta...

Kaon

2008-10-23T11:36:00.011+08:00

Nagdaguok ang nagkotoi kung tiyan,
Kainit sa sinabaw'ng utan,
Kabugnaw sa tinaklobang bahaw,
Naghinamhinam ang nagtu’lo kong baba.

Kahumot sa ginisang panakot,
Tan-awon pa lang makabusog na,
A-su pa lang luto na ,
Kalami i-kaon, sa lami ang pagka-on.

Mangaon na ta…

Nagtuon

2008-10-21T17:39:00.008+08:00

Nagtuon aron makat-on,
Makat-on kay nagtuon,
Kaalam tikaron,
Sa muabotay nga kaugmaon.

Libro, notbuk, bolpen,
Komiks ug mantalan
Klase-klaseng matang sa basahon,
Aron kaalam mapun-an.

Way nasabtan, sa nabasahan,
Huna-huna nga halinhayaw,
Naningkamot ang na pungot,
Way kaugmaon ang di magtuon

Kuarenta

2008-10-20T12:18:00.010+08:00

Pprrriiitttt (pito ang pulis)
Nadakpan..
Pulis: Licensya..
Drayber: Unsay biolasyon sir..
Pulis: wa nag seatbelt
Drayber: sir nagseatbelt ko..
Pulis: ang imo pasahero sa atubangan wa nag seatbelt.
Drayber: (kalot sa ulo, katol siguro).. sir pa hangyoa ko beh.. karon lang ni gawas gikan sa grahe, mao pay pag sugod nako sir.
Pulis: unya, unsay hangyo nimo nga malipay ko (mi), ug dili naka mahago..
Drayber: sir naa koy biente 20 diri..
Pulis: pahangyo sad ko, kanang makapalit ug maayuhon. Kaya singkwenta..
Drayber: pahangyoa pa ko sir beh..
Pulis: dili man ta malipay anang biente.. daghan mi mag tu-nga ana... didto ka hangyo sa LTO.
Drayber: dara ang kuarenta 40.
Pulis: ayaw sa ihatag sa akoa.
Drayber: asa man nako ihatag sir.
Pulis: ihulog sa akong helmet ayaw pahalata.. kuhaa na ang imo lisencya.
Drayber: ok sir. Salamat.
Pulis: ayaw na sad paseatbelta ang imo pasahero ha.. aron magbalik na sad ka sa akoa.
Drayber: giitsa na ang kuarenta sa helmet.
Pulis: balik balik, pasalamat ka wala ka gi isyohan ug TOP.
Drayber: nag bagulbol. (Sa pasahero)..
Atay man ning pulis oi.. grabe ka abusado nila,
makit-an lang gihapon ni sa Mayor ang ila binuhatan..
kasagaran pulis dili daot ug mata...
layo palang kabalo na sila sa inyo biolasyon...

Adlaw nga Natawhan

2008-10-20T11:51:00.009+08:00

Nalipay…
Nagu-ol…
Nag huna-huna…
Unsay I handa…

Namalit, ni palit…
Nag libog unsay idalit…
Nagtimbaya, na ngimbita…
Sa umaabot nga kumbira…

Sa makahinumdon lang...
Ilista lang sa tubig…
Salamat sa regalong gihatag…
Ginoo salamat sa adlaw’ng natawhan..

Kan-anan

2008-10-20T11:49:00.002+08:00

Sug a ngan, uling, posporo…
Kaldero, karahay, plato...
Luwag, tadtaran, kutsilyo…
kutsara, tinidor, baso...

Istante, lamesa, bangko …
Asin, vetsin, suka, toyo...
Panakot, karne, isda…
Itudlo ma-oy isugba…

Ilaga,ok-ok, bangaw, langaw...
Klase-klaseng matang sa hugaw…
Linung-ag, linuto, sinabaw…
Ginisa, sinugba, kinilaw…

Parat-parat, tam-is tam-is…
Tilaw-tilaw, tilap-tilap...
Asu palang luto na...
Hulagway busog na ka...

Linuto ni manang ug manong…
Pay as you order…
Nabusog mo…
Mangayo ko’g tootpik…

Balik balik mo ha…
Daghan salamat...

Pamukaw

2008-10-20T08:47:00.005+08:00

Mi kulisiw ang wati…
Sa nag umog nga gabie...
Nag kisi kisi ang gabon…
Sa matugnawon nga kabuntagon…

Higala bakod na,
Kay udto na…
Kaligo kay nanimaho...
Salamat Ginoo…

apan basi murag ku-an

2008-10-20T08:38:00.007+08:00

Apan basi…
Murag basi…
Apan murag…
Basi murag…
Basi ku-an…
Murag ku-an…

Alibay nga wa’y pagmahay…
Aligot-got sa nag lagot…
Naghilak ang namakak…
Nagkatawa ang yawa…

Mo rason pa ka…

Kapit-os…Kapa-it

2008-10-20T08:28:00.005+08:00

Nasinating kahalang sa kinabuhi…
Pu-ga pu-gaon ang kusog…
Lubagon ang kaunoran…
Aron naay madala nga makaon…

Nag kutoy ang tiyan…
Kay way makaon…
Ngit-ngit ang panan-aw…
Kay way pamahaw…

Nag nga-nga, nag tanga...
Kay way ugma…
Kapa-it, kapit-os…
Nga nag antos...

tubig

2008-10-17T12:04:00.013+08:00

kalingaw...

katin-aw...

kabugnaw...

kalami...

ikaligo sa nag init kong lawas...

manglugod, gilugod, giluguran...

ang bulingon ug bulingit kung panagway...

gihugasan sa bugnaw sa nag tubod nga tubig...

kalagot...

nag aligotgot ning huna-huna kong way panimot...

adunay nag hugaw-hugaw sa unahang dapit...

abi kog kabao... ang panuway nga way buot...

labay diri, labay didto mga hugaw nga kagaw sa pananaw...

unsa pa'y gana ikaligo kung ang tubig nga nidagayday...

sama sa kahugaw sa atong budhi wa'y konsencya...

gipasagdan lang sa panuway...

wala'y pagpakabana sa tubig nga nag hatag kinabuhi...

pasaylo mi sa umaabot nga kaugmaon...

kung dili na ninyo matagamtaman...

sa kabugnaw, katinaw, ug ang lingaw...

Ginoo salamat nga wa'y puas sa grasyang hinatag nimo...

daghan salamat sa kinabuhi nga gihatag

ikaw ug ako

2008-10-17T10:10:00.004+08:00

ka anindot...

katahom sa imong panagway...

naa ko'y gibati kanimo,

hina-ot sab nga nasabtan ko nimo...

tanan oras unta naa ka sa akong kiliran...

ka da lingi ikaw ang makit-an...

kaanyag sa imo panagway...

walay lain makasaway...

kung mangita ug lain, wa nay lain pa...

kun dili mao na ang pinakalain... ang imong dagway...

dili man unta masabtan ang gibati kanimo...

ang ka-anyag, ka-inggat sama ni ining bulak nga ikaw ug ako...

sa talamnan ning kinabuhi...

way segondo nga dili sayangan kung naa ka sa akong kiliran...

dili maglubad ang gugma kong ipa-ambit kanimo...

sa huna-huna palang gi-pangga ko na ikaw...

apan unsay dangatan ning tanan...

kung damgo ra taman...

buwak

2008-10-16T17:48:00.000+08:00

kahumot...

kainggat sa kulor...

kaanyag sa buwak...

kalami makadawat ug buwak...

maayo lang mo musimhot sa akong buwak...
mogunit, mogamit... sa akong buwak nga humot...
pirmi ninyo bisbisan mabuntag, maniudto, manihapon
pati kadlawon daginuton aron mamuwak dayon...

kanusa ka ha ta matagaan ug buwak...

mag paabot hantod muputi ang mata hantod mutaon sa kadugayon...

kalami tuslokon sa mata...

magpabungol-bungol baya dayon...

magpaabot na lang ko nga mamuwak ang tanglad...

kalagot kay wa'y mihatag kanako ug buwak...

lusot

2008-10-16T17:27:00.003+08:00

huhuhu..... pag ka pait

palusot...

nakalusot...

dili ko kalusot... huhuhu nabiyaan ko...

pagkapait aning na dili ta makalusot...

dili ta kabalo mag igo sa atong mga problema kay dili kabalo mangatik...

pagpangatik arong makalusot sa problema nga gisagubang sa kahamtangan panahon...

walay lain kalotsan...

kay dili kabalo magbuhat ug rason...

kay first time na sab... hahaha...

tagam...

unya na sakpan...

walay paingan kay wala kalusot sa pangutana nga lisod tubagon...

nag kurog kurog ug pangatik dili wala kabalo,

kung unsa ang sunod nga pangutana...

tagam

unya molusot paka...

asa ka paingon ...

wala kay LUTSANAN

ignoy

2008-10-16T13:35:00.000+08:00

hahaha...hehehe
kataw-anan... gikatawan... makatawa nga malouy kay adonay ignoy...
hahaha
malouy nga mag lagot kay na ignoy pa...
cge pangutana ug unsaon pag sugod...
kay first time kuno... makasuya, nasuya... naa say nagpasuya
pero sa kadugayan maas na, anagon na...
walay tao nga wala ni agi ug first time...
karon kay naka suway na dili na ta ignoy...
salamat kay niagi ko ug ka ignoy...
pildi ang maglagot...